O Diario de Ferrol ven de galardoar no apartado de Cultura, no recoñecemento anual que realiza sobre a actualidade ferrolá representados a través dos Premios Diario de Ferrol, a Semana de Poesía Salvaxe, iniciativa organizada polos escritores Guillermo Ferrández e Juan Carlos Valle “Karlotti”, que desde hai un lustro reúne en Ferrol a varios dos mellores poetas ibéricos que reivindican o valor da palabra.
O xurado deste apartado, que outrogou o premio á Semana de Poesía Salvaxe de Ferrol por unanimidade, estivo composto pola profesora Marigel Fernández; a ex-xerente da Fundación Novacaixagalicia e actual responsable de comunicación da entidade, Verónica Rego; o cantautor Roger de Flor; o catedrático da Universidade da Coruña, Xosé María Dobarro; e o xornalista do Diario de Ferrol Nicolás Vidal.
A entrega do premio realizarase o vindeiro 15 de xuño no transcurso da gala que se celebrará no restaurant Illas Gabeiras de Ferrol e no que participarán igualmente o resto dos premiados: Confraría de Pescadores de Ferrol, en Economía; o Colexio Mosteiro de Caaveiro de A Capela, en Educación; Cáritas Diocesana, en Sociedade; a arqueira Iria Grandal, en Deportes.