nx0woé López Calo, vicepresidente da Real Academia Galega de Belas Artes, asinou co alcalde de Cambados a acta de doazón dunha parte do seu legado artístico, integrado por unha ampla colección de libros, discos e artigos, con destino á biblioteca municipal Casa dos Fraga.
As 84 publicacións cedidas pasarán a engrosar e enriquecer os fondos de la biblioteca municipal con obras de enorme interese sobre todo na especialidade de musicoloxía. nx0woé López Calo, musicólogo e xesuíta, catedrático emérito de Historia da Música na Universidade de Santiago, considera “unha honra” doar a Cambados esta importante colección, tendo en conta o “gran labor deste Concello en favor da cultura”.
O legado que López Calo doa a Cambados inclúe libros, artigos e discos de produción propia, así como bibliografía persoal sobre distintas materias. Entre os volumes doados atópanse os relativos á música de Galicia, cun tratado sobre a música medieval no noso país; catro edicións sobre a música na catedral de Santiago; obras musicais de Juan Montes, e uns vinte traballos editados acerca dos Xoves Musicais da Universidade.
Noutro apartado atópanse os libros sobre a música nas catedrais españolas, con volumes relativos á catedral de Zamora, a de Segovia, Burgos, Palencia e Valladolid, así como un catálogo e un documentario sobre a capela real de Granada, entre outros libros.
López Calo naceu en Nebra (Porto do Son) en 1922. Sacerdote xesuita, estudou a carreira eclesiástica no Seminario de Santiago de Compostela e na Compañía de Xesús. Licenciouse en Filosofía e e Doutor en Filosofía y Letras e en Musicoloxía. É autor de máis de 60 libros de musicoloxía e de máis de 250 artigos nas principais revistas de musicoloxía do mundo, así como en enciclopedias e dicionarios.