Xa se coñecen os gañadores da II edición do certame Inspiraciencia, relatos de inspiración científica. Inspiraciencia é unha iniciativa da Unidade de Cultura Científica da Delegación do CSIC en Catalunya e do Instituto de Ciencia de Materiais de Barcelona, que conta co patrocinio da FECYT, a colaboración dunha ducia de centros do CSIC e o apoio da editorial Galaxia, de Bibliotecas de Barcelona, da Rede de Bibliotecas Municipais da Deputación de Barcelona, da Escola d'Escriptura do Ateneu Barcelonès, a Escola de Escritores, a Unidade de Bibliotecas Públicas de Madrid e a Dirección General de Mejora de la Calidad de la Enseñanza de la Comunidad de Madrid.
Nas bases do concurso establecéronse dúas categorías (xuvenil, para participantes de entre 12 a 17 anos, e adultos, a partir de 18 anos) e dúas modalidades (relatos curtos, cunha extensión mínima de 800 palabras e máxima de 1.500, e microrrelatos, cunha extensión máxima de 500 palabras). Como novidade desta edición, ademais dos idiomas catalán e castelán, as obras tamén puidéronse presentar en galego.
Precisamente, no noso idioma, os gañadores foron:
Modalidade de Relato curto, categoría Adulto, ao relato titulado Crecer, de Martín Pérez e mencionar como finalista ao relato Alea iacta est, de Pedro Antonio Labraña.
Modalidad Microrrelato, categoría Adulto, ao relato titulado Uchronia Labs, de Enrique Neira; e mencionar como finalista ao relato Microscópico!, de André Ventas.
Modalidad Relato corto categoría xuvenil, ao relato titulado Carta de Nikola Tesla a Thomas Edison, de David Novo e mencionar como finalista ao relato Un día diferente, de Andrea González.
A modalidad Microrrelato de categoría xuvenil declarouse deserta.
O xurado desta edición de Inspiraciencia estivo formado por Javier Duran, químico, xornalista e director do programa El medio ambiente (TV3); Mercè Fernández, Responsable de prensa da Delegación do CSIC en Catalunya; Luisa Martínez, Responsable da Unidade de Cultura Científica, Delegación do CSIC en Galicia; Emilia Pérez, Xerente do Instituto de Investigacións Agrobiolóxicas de Galicia (CSIC); Pere Puigdomènech, Director do Centro de Investigación en Agrixenómica (CSIC-IRTA-UAB-UB); Eduardo Santiago, escritor e autor da novela 2044 (Galaxia); e un representante da Biblioteca municipal da Sagrada Familia, especializada en ciencia e medio ambiente.