Resultante do proxecto Littera, pódese consultar on-line a totalidade das cantigas medievais presentes nos cancioneiros galego-portugueses.
O proxecto Littera, edição, atualização e preservação do património literário medieval português, financiado pola Fundação para a Ciência e Tecnologia e dirixido polo Instituto de Estudos Medievais da Faculdade de Ciências Sociais e Humanas da Universidade Nova de Lisboa, pon a dispor dos investigadores e do público en xeral, a través dunha base de dados, a totalidade das cantigas medievais presentes nos cancioneiros galego-portugueses, as respectivas imaxes dos manuscritos e aínda a música (ben a medieval, ben as versións ou composicións orixinais contemporáneas que toman como punto de partida os textos das cantigas medievais). A base inclúe información sobre todos os autores nela incluídos, sobre as personaxes e lugares referidos nas cantigas, ben como a «Arte de Trovar», o pequeno tratado de poética trovadoresca que abre o Cancioneiro da Biblioteca Nacional.
O proxecto Littera está dirixido por Graça Videira Lopes, Manuel Pedro Ferreira e Nuno Júdice.