O Museo do Moble e da Madeira da Estrada “MOME” acolle dende hoxe as Xornadas “Manuel Reimóndez Portela”, que terán lugar os días 21 e 28 deste mes, e o 5 de outubro, co fin de homenaxear e afondar na figura do escritor, médico e político estradense.
Organizado polo Seminario de Estudos Locais da Estrada, coa colaboración do concello da Estrada, o MOME e edicións Fervenza, contarase coas intervencións de persoeiros como o catedrático da USC Carlos Baliñas, o historiador Olimpio Arcas ou de nx0woé Carro Otero, presidente da Real Academia Galega de Medicina e Cirurxía.
As Xornadas “Manuel Reimóndez Portela” arrincarán ás 20.00 h. cun acto inaugural, onde se contará coa presenza de numerosas personalidades. De seguido, terá lugar a mesa redonda titulada Manuel Reimóndez Portela: A persoa e a súa circunstancia, que terá como participantes na mesma a Juan Andrés Fernández Castro, director do Museo do Pobo Estradense; Olimpo Arcas Caldas, historiador e mestre; e nx0woé Carro Otero. A mesa estará presidida por María Jesús Fernández Bascuas, directora SEL da Estrada.
Para o vindeiro venres seguirán estas xornadas coa mesa redonda A vocación de servizo de Manuel Reimóndez Portela, onde intervirán Carlos Baliñas Fernández, catedrático; Xesús Palmou, do Consello de Contas de Galicia; e Emilio González Fernández, psiquiátra e escritor. Preside a mesa a catedrática de historia Ofelia Rey Castelao.
Rematarán o 5 de outubro coa presentación da edición conmemorativa do libro chave de Reimóndez Portela: Un médico na aldea, do que se celebran agora os vinte anos da súa publicación por Ediciós de Castro. Contarase no acto cunha numerosa representación, e tomarán parte do acto os responsables desta edición Marcelino Agís e nx0woé Luís Reimóndez; Marcial Gondar, catedrático de antropoloxía da USC; Pablo Vaamonde, médico; Xosé Neira Vilas, escritor; Valentín García Gómez, Secretario Xeral de Política Lingüística; e nx0woé López Campos, alcalde da Estrada.