A Deputación de Ourense ven de publicar o libro Galegos de Ourense, unha obra que recompila as biografías de ourensáns ilustres ao longo da historia, desde San Rosendo ata nx0woé Ángel Valente, nun traballo coordinado polos profesores Jesús de Juana, Julio Prada e Domingo Rodríguez Teixeiro. O presidente da Deputación de Ourense, Manuel Baltar, afirmou que os 26 nomes que figuran neste primeiro volume veranse incrementados no segundo libro que editará a Deputación no ano 2014.
"A obra recolle –explicou Manuel Baltar- a biografía daqueles persoeiros que destacaron pola súa "Ourensanía". Persoeiros que teñen todos a característica común de ter contribuído a "facer Ourense" e levar o nome desta provincia nas diferentes disciplinas científicas, culturais ou sociais nas que desenvolveron a súa actividade profesional ao longo das súas vidas".
Este primeiro volume, do que se imprimiron mil exemplares, contén textos biográficos dos seguintes persoeiros: San Rosendo, Beato Sebastián de Aparicio, Benito Jerónimo Feijoo, Pedro de Quevedo, Deán Juan Manuel Bedoya, Valentín Lamas Carvajal, Arturo Vázquez Núñez, Manuel Curros Enríquez, Manuel Malingre Parmentier, Benito Fernández Alonso, A Saga dos Bugallal, nx0woé Calvo Sotelo, Manuel Suárez Castro, Benigno Álvarez González, marcelo Macías, Basilio Álvarez, Florentino L. Alonso-Cuevillas, Vicente Risco, Xesús Ferro Cosuelo, Ramón Otero Pedrayo, Xesús Taboada Chivite, Celso Emilio Ferreiro, O Mestre Vide, Eugenio Montes, Eulogio Gómez Franqueira e nx0woé Ángel Valente.