Mañá sábado principiará a XXI Feira do Libro de Viveiro, que terá lugar como en edicións anteriores nos Xardíns de Noriega Varela ata o vindeiro mércores 16 de agosto.
A inauguración terá lugar o mesmo sábado ás 19.30 h. co pregón infantil a cargo de Andrea Dovale e da escritora Vanesa Santiago. En total haberá 10 casetas de librarías, que ofrecerán un 10% de desconto en todos os libros.
Ao longo dos cinco días de Feira pasarán por Viveiro máis de 35 escritores e personaxes do mundo do libro, como Servando Barreiro, Isidro Novo, Elena Gallego Abad ou Marisa Irimia, entre outros moitos.
O horario será de 12.00 h. a 14.00 h. e de 18.00 h. a 22.00 h. As fines de semana e festivos o peche será ás 14.30 h.
Tamén haberá un sorteo de 200 exemplares entre todas as persoas que participen no concurso “Elixe aos teus favoritos”, votando o seu libro, escritor e libraría preferidos. As librarías participantes nesta edición da Feira do Libro de Viveiro son: libraría Pedreira, Arigató, Cartabón, Nobel Burela, Aenea, Cortizas, Gato Neghro, Porta da Vila, o Seminario de Estudos Terras de Viveiro e a Deputación de Lugo.