O Liceo de Ourense organiza a XI edición do premio de microrrelato Carlos Casares, que este ano xirará sobre un dos temas abordados frecuentemente polo propio Casares, a gastronomía.
Poderán concorrer ao premio orixinais vinculados o ámbito da gastronomía, a cociña, ou calquera das súas manifestacións, a alimentación en xeral e a referencias culinarias. Os textos non poderán sobrepasar os mil cincocentos caracteres, debendo presentarse antes do 11 de maio do ano 2012. A entrega dos premios terá lugar nun Acto Literario enmarcado nas Festas do Liceo, e que se celebrará o 25 de maio.
Este ano contarase co apoio do Grupo Cuevas e a dotación económica para o microrrelato gañador será de 1.500 euros.