Nesta nova etapa que iniciamos en Fervenzas Literarias un dos obxectivos que nos marcamos é a interactividade cos lectores, conseguir que vos teñades un protagonismo clave dentro do funcionamento de Fervenzas Literarias.
Por iso, entre outros apartados abrimos os Encontros Dixitais: a utilización da Rede para unir o lector co autor. E precisamente non atopamos un libro que acaera mellor para inaugurar estes Encontros Dixitais que Ninguén (Xerais) de Fran Alonso, un libro que nos fala dos novos xeitos de comunicación e do uso que lle aplicamos as novas tecnoloxías.
Fran Alonso estará respondendo as vosas preguntas sobre Ninguén ata o día 20 de decembro. Animádesvos a participar!