O Auditorio Neira Vilas, na Biblioteca de Galicia, acollerá Asaltos! Ring ao redor da palabra: escrita, cantada ou falada, un ciclo ao redor do feito cultural que, a través dun formato rompedor e innovador, pretende sacar fóra da súa zona de confort a creadores e artistas. Tamén ao público, protagonista activo nos catro rings dialécticos nos que se creará, amosará e defenderá a riqueza, variedade e singularidade dos novos procesos creativos dentro e fóra de Galicia.
En cada un destes catro rings, que terán lugar entre o 9 e o 17 de novembro, convídase a distintas figuras do panorama galego e foráneo para que intercambien ideas sobre o poder e os retos que ofrecen as palabras: as escritas, as cantadas, as que se len, as que se escoitan... Aquelas que seducen, incomodan, incitan á reflexión e transforman o mundo a ritmo da voz, a tinta ou o píxel.
Programa
1. Asaltos! á lectura.
Venres 9 de novembro: divulgación | 17.30 h. - 19.30 h.
Modera: Francisco Castro, escritor, editor e director de Galaxia.
Púxiles:
- Ramón Nicolás, crítico literario e creador do blog Caderno da Crítica.
- Óscar López , xornalista cultural especializado en literatura, do programa de TVE Página 2.
- Alejandra de Diego Lata, da libraría Berbiriana da Coruña.
Sábado 10 de novembro: tradución | 12.00 h. - 14.00 h.
Modera: María Alonso Seisdedos, tradutora ao galego de series como Shin Chan e Premio Nacional de Tradución pola co-tradución do Ulises, de J. Joyce.
Púxiles:
- Ledicia Costas, Premio Nacional de Literatura Infantil Xuvenil.
- Sara Margherita Cavarero, prestixiosa tradutora que levou ao italiano Jules Verne e a vida secreta das mulleres planta, de Ledicia Costas.
2. Asaltos! á voz
Venres 16 de novembro: oralidade |17.30 h. - 19.30 h.
Modera: Xurxo Souto, o cantante d'Os diplomáticos de Monte Alto é, ademais de músico, filólogo e dinamizador cultural.
Púxiles:
-Ses, cantautora galega que cun estilo ecléctico enche auditorios, salas de concertos e teatros de toda Galicia.
- Alba María, cantante, investigadora e regueifeira.
Sábado 17 de novembro: poesía | 12.00 h. - 14.00 h.
Modera: Silvia Penas, poeta, filóloga, performer, e vocalista de Cinta Adhesiva.
Púxiles:
- Chus Nogueira, crítica literaria, filóloga e ensaísta galega. Foi presidenta da Asociación Galega da Crítica.
- Antón Blanco, poeta, filólogo e músico. Foi batería de Atrás Tigre.
- Elías Portela, o poeta pontevedrés é Premio Poesía Afundación. Considerado un dos escritores máis importantes da literatura islandesa actual.
A asistencia a estes asaltos son de balde, baixo preinscrición previa. Esta pode realizarse na seguinte web.