O actor, director e adaptador teatral riveirense Quico Cadaval fíxose o pasado luns co premio ao Mellor Autor Teatral en galego no transcurso da gala dos Premios Max, celebrada no Teatro Góngora de Córdoba. Cadaval foi premiado pola obra Shakespeare para Ignorantes, da compañía Producións Teatrais Excentricas.

Como finalistas quedaron Eduardo Alonso por Glass City (Cidade de Cristal) e Santiago Cortegoso por A filla de Woody Allen.

Estes Premios Max nacen coa finalidade de estimular erecoñecer o talento dos artistas e profesionais das artes escénicas do estado. Seguindo o módelo dos galardóns Molière en Francia, os Olivier en Gran Bretaña ou os Tonys de Broadway. A estes premios concurren todos os espectáculos estreados ou reestreados na tempada anterior, xunto aos seus autores, tradutores, adaptadores, compositores, directores, coreógrafos, escenógrafos, figurinistas, productores, actores e intérpretes de danza que formaran parte nos mesmos. Os gañadores son elixidos mediante o voto dos seus compañeiros de profesión.