O claustro da Casa Consistorial de Ortigueira acolleu a presentación da exposición "Antonio Rivera Losada, en imaxes". Esta mostra inaugura o programa de actividades do proxecto "Ortigueira Literaria Dixital" que, ao longo do ano 2012, renderá tributo ao escritor e xornalista a quen se dedica a mostra fotográfica.

"Ortigueira Literaria Dixital" é a resposta á reflexión de como xestionar o legado inmaterial de cantos ortigueireses ilustres honraron coa súa obra as Terras do Ortegal, como investigar e lembrar a súa labor, recoñecer a súa pegada e manter viva a súa memoria. Está coordinado pola Concellería de Cultura de Ortigueira e conta coa colaboración da Fundación Ortegalia, La Voz de Ortigueira, Papoprroibo, CEIP nx0woé Mª Lage, IES Ortigueira, Biblioteca Municipal, Escola de Música, Aula Cemit e o Centro de recepción de visitantes.