Ven de se presentar a web de Valentín Paz-Andrade, que recolle toda a información do autor homenaxeado co Día das Letras Galegas neste 2012.

A completa web está dividida en diferentes apartados: unha extensa biografía, que recolle incluso unha semblanza do pontevedrés a cargo de Isaac Díaz Pardo; unha bibliografía de libros escritor por Paz-Andrade e sobre el; un apartado multimedia con fotografías históricas; un apartado de novas onde se recolle toda a información que van aparecendo sobre a súa figura e sobre o Día das Letras galegas 2012; unha axenda de actos e outra de exposicións.

A web www.valentinpazandrade.es está destinada a se converter nun sitio referencial para seguir de preto as actividades sobre o homenaxeado e sobre o Día das Letras Galegas 2012.