A web Letra en obras (www.letrasenobras.com) busca poetas para a elaboración dun libro colectivo. Poderán participar todas aquelas persoas que non teñan publicado un libro de poesía individual, enviando un máximo de tres poemas. Unha vez remate o prazo o 29 de febreiro, Letra en Obras realizará a escolma de entre os textos recibidos.

Esta iniciativa xurde coa finalidade de entrar en contacto cun público lector e a posibilidade de facer existir os seus poemas ao introducilos na cadea sen fin dos textos que un día se escribiron e non paran de volver nacer.