A Editorial Cuestión de Belleza decidiu outorgar o Primeiro Premio ao poemario Sinódica Luz, obra do poeta chairego Xosé Otero Canto, pola orixinal e prismática ollada as luces máis íntimas do ser humano, as súas emocións, contrastadas coa máis ameazante e globalizadora escuridade exterior. Unha visión de inmensa forza expresiva, a través dunha maxistral, e persoal, riqueza léxica que acada un profundo lirismo. Unha obra de Beleza global.

Otero Canto verá publicada a súa obra na Editorial Cuestión de Belleza. A entrega do premio terá lugar no vindeiro mes de maio na cidade de Ourense.

Xosé Otero Canto naceu na Ponte de Outeiro (Castro de Rei) en 1951. Licenciado en Filoloxía Románica pola Universidade de Santiago de Compostel exerce como catedrático de Lingua Castelá e Literatura no IES Lucus Augusti. No seu haber ten premios como o Certame Literario "A Pipa", o Certame Literario de Vilalba ou o Terras de Chamoso, entre outros.