A Asemblea de Mulleres de Galiza Nova, dentro das actividades arredor do día 8 de marzo, Día Internacional das Mulleres, organiza as I Xornadas "De Rosalía de Castro a nós. unha análise dos cambios impulsados polas mulleres galegas desde os tempos de Rosalía".
Nelas, a través do pensamento e da obra rosaliana aboradaranse moi diversos temas que afectan directamente ás mozas galegas a día de hoxe como a situación laboral, a violencia de xénero, a memoria histórica das mulleres ou a resposta ante as políticas regresivas por parte da Xunta de Galicia.
Estas Xornadas desenvolveranse os días 17, 18, 31 de marzo e os días 1 e 2 de abril no Salón de Actos da Biblioteca Pública Ánxel Casal de Santiago de Compostela. O sesión do 2 de abril será na libraría Couceiro, na Praza de Cervantes.
Ao longo deses cinco días, haberá conferencias, exposicións, presentacións de libros, audiovisuais, roteiro, mesa de experiencias con Celia Armas, Kathleen N. March, Xabier Macías ,Carme Adán, Luisa González, Diego Pardo, Pilar García Negro, Aurora Marco, Luisa María Muñóz, Elvira Patiño, Francisco Rodríguez, Teresa Moure...
Os interesad@s en asistir poderán facelo a través do enderezo Este enderezo de correo está a ser protexido dos robots de correo lixo. Precisa activar o JavaScript para velo., indicando nome, apelidos, teléfono, e-mail e ocupación (estudante ou traballador/a). Esta solicitado un crédito de libre elección para as Universidades da Coruña, Santiago e Vigo.