Por quinto ano consecutivo as rúas de Ferrol serán escenario da Semana de Poesía Salvaxe, que terá lugar do 25 ao 28 de abril.

O 25 de abril terá lugar a proclama poética, será ás 18,30 h. no Cantón de Molíns, e contarase coa participación de Víctor M. Díez, Marcos Lorenzo, Guillermo Ferrandez e Karlotti, que serán os encargados de voar a palabra que derá inicio á semana. O mesmo mércores, ás 22,30 h., a Pub Cazadores acollerá unha sesión poética coa intervención dos participantes nesta cita.

Os dias 26 e 27 centrasen as intervencións dos invitados este ano de barricadas en flor. A presenza de Poetas será a proba feacente de que a poesía non se rega con diñeiro.

O xoves, ás 12.30 h., no Mercado da Magdalena, será Felipe Zapico quen dea lectura aos seus poemas rasantes, nomeando a voz do que a mezquindade enmudece. Estará acompañado por Al Vidal e Eli Quartier, así como Karlotti, Victor, Ana Gorría...

Ao longo da mañá as rúas encheranse de palabras encarnadas, sucederanse incursións en calquera dos recunchos e esquinas de esta cidade dos guindastres en extinción.

No Inferniño, ás 18.30 h., jazzsessionpoetica coa participación de todos, tanto os e as poetas invitados como os cidadáns que o desexen.

En Esteiro, ás 19.30 h., terá lugar unha posta en escena por parte de Ana Gorría, dos seus implacables poemas.

Ás 22.30 h., na Sala Super 8, Tiago Gomes e a súa Agência de viagens porannos no camiño compartindo a mais irreverente e indomable das poéticas.

Ao día seguinte, o Mercado de Recemil será escenario dunha nova sesión de poéticas materias, onde arderán os verbos coma se fose o primeiro día do mundo. Alba González será a encargada de tomar a palabra.

E de seguido pasa rúas poético, rematando coa intervención imprevisible dos compoñentes desta cita.

Na Biblioteca Municipal de Ferrol lerá os seus poemas, a partires das 18,30 h., o poeta leonés Víctor M. Dez. Á mesma hora, e na praza de Armas, abrirase un espazo onde a poesía e o poético ocuparán a tarde e o espazo que tarde consente. Este será o lugar para a manifestación poética mais sincera, radical e fermosa. Intervirán todos os poetas participantes na semana, así como todos aqueles que desexen tomar e encarnar a palabra.

Ás 22.30 h. no Pub Carteles sucederanse as lecturas co colofón a festa da palabra mais encarnada que escoitemos, con Pura Salceda, Ana Gorría, Alba Gonzalez, Seran Al Vidal, Eli Quartier, e Tiago e os seus viaxeiros.

O sábado 28, á hora do vermouth está reservado para Carlos Oroza. Esa mesma tarde, no Centro Torente Ballester, participarán todos os e as salvaxes poetas, convidados por Lefre de Caldereta nas actividades postas en marcha ata entrada a noite.