O poeta, editor e escritor Antonio Piñeiro ven de gañar a X edición do Certame de Relato de Aventuras Antón Avilés de Taramancos convocado polo Concello de Noia e a Casa da Gramática do IES Virxe do Mar.

O xurado, formado por Mariña Pérez Rei (gañadora da anterior edición), Mercedes Queixas e Vanesa Oliveira, decidiu por unanimidade ao gañador desta edición. O acto estivo presidido polo Concelleiro en funcións de Facenda, Lino García, pola xornalista Vanesa Oliveira e polo director do IES Virxe do Mar e cordinador da Casa da Gramática, Xavier Castro.

A dama fulxente, título da obra presentada por Antonio Piñeiro, fíxose co galardón tras participar xunto a outras 13 obras, e narra unha viaxe dende a Francia revolucionaria do século dezaoito ata Noia seguindo o Camiño de Santiago.