Allariz acolle os días 26 e 27 de xaneiro a segunda edición do Festival da Arte da Ilustración “Allariz debuxado”.
A inauguración terá lugar o venres ás 12.00 h. e contará co relatorio de Celsius Pictor. O ilustrador exporá a mostra As doce probas de Heracles na Galería Circular. Pola tarde, ás 17.00 h., está prevista a mesa redonda A aventura de publicar o primeiro libro con Jorge Campos, Mariana Aravena, Lidia Noko Noko, Xulio Pisón e Sonia García Vidal. María Pascual de la Torre pechará a primeira xornada.
A programación continúa o sábado ás 11.00 h. co relatorio de Víctor Coyote e, de 12.00 h. a 18.00 h., celebrarase a Feira da Ilustración na Praza da Torre Lombarda, onde veciños e visitantes poderán adquirir produtos e libros ilustrados ademais de gozar de animación urbana.
Ademais, no Espazo BenComún, terán lugar presentacións e sinaturas de exemplares así como conversas entre ilustradores e afeccionados. O relatorio de Juan Berrio porá, ás 18.00 h., o broche final á segunda edición do festival.
Programación
Venres 26 xaneiro.
12.00 h. Inauguración do festival a cargo de César Lorenzo Gil, director de Aira editorial, no Fogar dos Maiores.
12.15 h. Relatorio: Ilustreino todo! por Celsius Pictor no Fogar dos Maiores.
17.00 h. Mesa redonda: A aventura de públicar o primeiro libro con Jorge Campos, Mariana Aravena, Lidia Noko Noko, Xulia Pisón e Sonia García Vidal no Fogar dos Maiores.
19.00 h. Relatorio: De ¿Dónde están mis gafas? a ¡Malacatú! por María Pascual de la Torre no Fogar dos Maiores.
Sábado 27 xaneiro.
11.00 h. Relatorio: Traballos por aspersión por Victor Coyote no Fogar dos Maiores.
12.00 h. – 18.00 h. Feira da ilustración na Torre Lombarda. Venda de productos e libros ilustrados, animación urbana. No espazo BenComún haberá presentacións, sinaturas de exemplares e conversas entre ilustradores e afeccionados.
18.00 h. Relatorio: Calles cortadas por Juan Berrio no Fogar dos Maiores.
Exposición: As doce probas de Heracles de Celsius Pictor na Galería Circular.