Dende hoxe e ata o domingo celébrase o III Festival dos Eidos. Organizado pola Fundación Uxío Novoneyra, serán tres días de programación cultural de diferentes expresións artísticas ligadas a Literatura: recitais, concertos, artes escénicas e do corpo, roteiros e visitas guiadas, obradoiros, actividades para nenas e nenos e exposicións nos diferentes espazos, do interior e exterior da casa-museo de Uxío Novoneyra en Parada do Courel e o seu territorio íntimo.
Ligado ao compromiso coa sustentabilidade social e ambiental do rural de alta montaña e a innovación en formatos e estilos, o Festival dos Eidos pretende dotar a una comunidade territorialmente illada, como é a Serra do Courel nas Montañas de Lugo, dun festival literario escénico de vangarda ano tras ano dende o seu inicio.
Programa
Venres, 25 de agosto
18.00 h. Exposición “Os nomes da montaña. O arquivo da Fun”.
19.00 h. Roteiro poético “As aves nos eidos”.
20.30 h. A Carlos Oroza no seu cuarto
22.30 h.Picadiscos: Ico Sonoro, Xabi B. + Eva A.
Sábado, 26 de agosto
12.00 h. Obradoiro de improvisación. Danza. Compañía Cristina Vilariño.
12.00 h. Anxo Moure, contacontos.
13.30 h. Swing vermú con The Alley Stompers.
18.00 h. Poesía oral: Xabi Xil, Teresa Moure, Juan Carlos Mestre, María Sánchez.
19.40 h. Novoneyra Bailado, impovisación Compañía Cristina Vilariño.
22.00 h. Concerto noite: Mounqup, Ultraqäns, Hard Gz.
Domingo, 27 de agosto
12.00 h. “Versogramas” Making off.
13.00 h. Obradoiro “Lar” de Ithcrowdfunding.
En abril de 2017 o Festival dos Eidos acadou o Galardón EFFE (Europe for Festival Festivals for Europe) que otorga a Asociación Europea de Festivais, dependente da Comisión Europea, aos eventos que representan boas prácticas no eido da creatividade, o social e o ambiental no continente. Así mesmo, como evento socio da rede LITFEST de festivais literarios en zonas isoladas, foi nomeado “Boa Práctica Europea” por parte da Axencia Europea de Educación e Cultura (AECEA), que xestiona os fondos Erasmus+ i Europa Creativa.Trátase, pois, dunha proposta cultural co obxectivo de dinamizar a Montaña Lucense e fomentar o turismo nesta zona.