As guías de lectura son ferramentas importantes para favorecer a lectura e completala, xa que, grazas ás propostas que estas formulan, fan que o lector reflexione.

As bibliotecas escolares galegas comezan a difundir as súas recomendacións de lectura para este tempo de verán con títulos para toda a familia. Estas guías de lectura teñen como obxectivo que as e os pequenos lectores e os seus achegados coñezan as últimas novidades que hai na biblioteca e ofrecer referencias daqueles libros que poidan interesar ao lector.

Grazas ao labor dos bibliotecarios escolares, con estas guías, se alguén anda despistado e non sabe que ler, unha ollada a estas "guías de lectura" e poderá acudir a bibliotecas ou librarías cun bo feixe de recomendacións tanto de lectura como de música, cine, espazos web... debullados para diferentes idades.

Podes ver un exemplo das diferentes guías de lectura preparadas polas bibliotecas escolares na seguinte ligazón: http://www.edu.xunta.es/biblioteca/blog/?q=node%2F792