A International Board on Books for Young People (IBBY) ven de aceptar a candidatura presentada pola OEPLI do escritor vilalbés Agustín Fernández Paz para o premio Hans Christian Andersen 2012.
Esta proposta realizouna o pasado mes de febreiro a OEPLI (Organización Española para el libro infantil y juvenil), que correspondería á pola española do IBBY e encargada de presentar as candidaturas correspondentes ao Estado español. Deste xeito Fernández Paz será un dos 28 candidatos de todo o mundo para facerse co prestixioso premio infantil, considerado o Premio Nobel da LIX. O fallo do Xurado farase público na Feira de Bolonia de 2012 e a entrega de Medallas durante o 33º Congreso de IBBY, que se celebrará en Londres, o mesmo ano.