A Federación Española de Relixiosos do Ensino de Galicia-Centros Católicos, Ferega-Ceca, entregou o pasado venres os X Premios Literarios Frei Martín Sarmiento nun acto celebrado na Biblioteca da Cidade da Cultura de Galicia, en Santiago de Compostela. A particularidade destes premios é que é o alumnado, xunto as nais e os pais dos centros que forman parte da entidade, quen escollen as obras premiadas nas diferentes categorías, axustadas aos diferentes grupos de idade.

Gañadores

1ª categoría: 1º e 2º de educación primaria: A pomba dona Paz (Xerais), de Ramón Caride e ilustracións de Pepe Carreiro.

2ª categoría: 3º e 4º de educación primaria: O monstro das profundidades (Everest) de Manuel Uhía.

3ª categoría: 5º e 6º de educación primaria: A verdadeira historia da mosca da tele (Galaxia), de María Solar e Ilustracións de Ana Francisco e Jorge Vázquez.

4ª categoría: 1º e 2º da ESO: O elefante branco (Tambre) de Xesús Fraga.

5ª categoría: 3º e 4º da ESO: O neno can (Galaxia) de Fina Casalderrey e Francisco Castro e ilustrado por Patricia Castelao.

6ª categoría: Bacharelato e adultos: Os fillos do mar (Xerais) de Pedro Feijoo.