Tras arribar en Carballo a comezos deste mes, cun grande éxito de participación, agora chega a Lugo a Semana do Libro e da Lectura Infantil e Xuvenil, que na cidade amurallada chega a súa cuarta edición.

Ata o sábado 1 de xuño, o Museo Provincial de Lugo acollerá esta Semana do Libro e a Lectura Infantil e Xuvenil, que se desenvolverá baixo o lema A toda máquina.

Ao longo destes días serán numerosos os espectáculos, obradoiros e exposicións que se ofrecen ao público na Sala de Exposicións do Museo Provincial de Lugo. Polas mañás as actividades están concertadas con centros de ensino, pero polas tardes os espectáculos e as visitas ás distintas exposicións e actividades son de entrada libre e gratuíta.

Entre esas actividades abertas a todo o público están contacontos, exposicións, espectáculos de danza...