O escritor e editor Francisco Castro imparte un obradoiro de escritura creativa. Será os días 11 e 18 de novembro na biblioteca do Fórum Metropolitano da Coruña.
Este obradoiro está dirixido a rapaces e rapazas de 12 ao 16 anos. Os seus participantes achegaranse ao mundo da creación literaria cun curso de iniciación á escritura centrada no desenvolvemento da creatividade, a experimentación literaria e o pracer de escribir.
A inscrición previa remata o 5 de novembro e pode realizarse a través do número de teléfono da Biblioteca do Fórum: 981184298